Kupa e Amerikës, Argjentina dhe Kili në gjysmëfinale

Argjentina dhe Kili dhuruan spektakël ne ndeshjet e fundit çerekfinale te Kupës se Amerikës. Favoritet e mëdhenj, te besuarit e trajnerit Tata Martino munden 4 me 1 Venezuelën, e cila nuk pati asnjë shans përballe yjeve të kësaj kombëtareje. Protagonist i madh i mbrëmjes ishte Gonzalo Higuain, i cili shënoi dy gola të shpejte për Argjentinën. Venezuela nuk ishte në ditën e vet më të mirë dhe kjo u përforcua nga një gabim trashanik nga pikla e bardhe e penalltisë nga Seijas, i cili duke tentuar te shënoje nje gol alla Panenka, gaboi rende. Më pas ka hapësire për më të mirin ne bote Lionel Messi, i cili shënon golin nr 54 në histori me kombëtaren, duke barazuar rekordin e Batistutës. Pak më vonë Rondon shënon golin e nderit për Venezuelën, por për ta bërë më të thelle fitoren e Argjentinës mendon Lamela që realizon golin e 4. Tani në gjysmëfinale përballe do të jenë organizatoret e SHBA. Por nëse Argjentina dhuron spektakël, fitores 7 me 0 të Kilit kundër Meksikës vështirë t’i gjesh epitete. Fituesit e fundit të kupës së Amerikës shpartalluan një kundërshtar që me siguri pritej në letër të ishte shumë më i forte sesa tregoi fusha. Edu Vargas bëri një ndeshje te pabesueshme, duke shënuar 4 gola, Edson Puch dopiete dhe nje tjetër gol nga Aleksis Sancez. Në gjysmëfinale fituesit e fundit të këtij trofeu tashmë i pret Kolumbia.