Ish-kreu i KQZ, Kristaq Kume, i ftuar në studion e “Quo Vadis” të moderatores Pranvera Borakaj në Vizion Plus, ka folur për procesin zgjedhor në Shqipëri, ku për herë të parë do të votojnë edhe emigrantët.
I pyetur nga moderatorja Borakaj se a do t’i favorizojë vota e emigrantëve partitë e reja, Kume tha se forcat e reja para se të kërkojnë votën e emigrantëve duhet tu mbushin mendjen shqiptarëve të Shqipërisë.
Siaps tij partitë e reja duhet të lënë mënjanë turizmin politik, pasi vota e emigrantëve do të shkojë më së shmuti për forcate mëdha politike.
Pjesë nga biseda:
Borakaj: Mendon se favorizohen partitë e vogla nga vota e emigrantëve?
Kume: Nuk di se çfarë do të bëjnë emigrantët, por me mendjen e plotë që duhet ta konsiderojnë, partitë e vogla mos e shikojnë suksesin te vota që ju vjen nga jashtë.
Borakaj: Duhet të thithin elektoratin brenda?
Kume: Ka dy të mëdhenj që garojnë se kush do të marrë më shumë vota jashtë. Partitë e reja të na mbushin mendjen neve që jemi këtu. Nuk e kam kuptuar asnjëherë atë që një nga këto subjektet këtu e ka bërë shumë me qytetarët që bëjnë me qytetarët jashtë vendit. E kam quajtur më shumë si turizëm politik.
Borakaj: I deklarojnë ata kostot?
Kume: Ka shumë probleme që mund të bëhen objekt diskutimi për mua. Të paktën deri më sot nuk dimë asgjë se sa shpenzojnë.
