Kultivuesit e kanabisit kapen në flagrancë

Policia e Elbasanit prangosi këtë të diel tre persona, të akuzuar për kultivim kanabisi.

Të arrestuarit janë të moshave 32, 39 dhe 47 vjeç, ndërsa janë shpallur në kërkim edhe dy bashkëpunëtorët e tyre, njëri 30 e tjetri 83 vjeç.

Sipas policisë, ata kanë kultivuar kanabis në një zonë të pyllëzuar në fshatin Krrabë e Vogël.

Efektivët gjetën edhe 26 fishekë e fara kanabisi gjatë kontrollit të ushtruar në banesë.