Një 50 vjeçar është arrestuar në flagrancë nga policia e Kurbinit pasi kultivonte bimë narkotike.
Shtetasi I arrestuar është me inicialet F.H., nga Miloti.
Pas informacioneve të marra në në rrugë operative policia e Milotit bëri të mundur gjetjen dhe shkatërrimin e një mini sere në territorin e banesës së 50 vjeçarit në të cilën ishin mbjellë 295 fara kanabisi në kubikë.
Policia thotë se po vijon punën me prokurorinë për dokumentimin e plotë ligjor të kësaj vepre penale, për identifikimin dhe arrestimin e personave të tjerë të implikuar në këtë veprimtari kriminale të tentativës për kultivim të bimëve narkotike.
