Pesë persona kanë rënë në prangat e policisë së Beratit nën akuzën e kultivimit të lëndëve narkotike.
Në kuadër të operacionit të koduar “Gjerbës”, janë vënë në pranga P. R., 53 vjeç, G. Xh, 34 vjeç, A. S., 44 vjeç, L. Xh., 31 vjeç, L. Xh., 51 vjeç, me detyrë inspektor i Policisë së zonës në Komisariatin e Policisë Mallakastër.
Sipas policisë për këta shtetas gjykata ka vendosur masën e sigurisë “Arrest në burg”, pasi dyshohet se kanë kultivuar bimë narkotike në fshatin Osmënzezë, Berat, në Gjerbës dhe Selitë, Mallakastër, bimë të cilat janë evidentuar dhe asgjësuar më parë nga Policia, gjatë kontrollit të pandërprerë të territorit.
