Duke iu referuar rezultateve të fundit zgjedhore, Ish-anëtari i Këshillit Kombëtar të PD, Edvin Kulluri vlerëson një rritje në numrin e votave për Partinë Demokratike dhe përgjysmim votash për LSI-në.
Mirëpo, kjo rritje e PD, sipas tij nuk mjafton për të siguruar fitoren.
I ftuar këtë të hënë në “Zgjedhje 2021”, Kulluri deklaroi se mazhoranca do të fitojë më shumë se 70 mandate.
“Tendeca është e qartë. Në shumë zona dallohej që tendenca ishte një rënie e LSI-së, në mënyrë horizontale dhe vertikale, rritje e PD dhe një stabilitet nga ana e PS. Totali i mazhorancës 73-75 mandate. Një fitore mbi 70 vota. Opozita është ngritur edhe në mandate, PD është rritur në numër votash, por i pamjaftueshëm për të siguruar fitoren e zgjedhjeve. Rritja e votave nuk është fitore. Është e paprecedentë që një opozitë pas 8 vitesh mos të marrë pushtetin. Opozita ka dështuar ideologjikisht dhe moralisht. Një listë e mirë për Bashën, por e keqe për PD. Mënyra se si funksionon Lulzim Basha ndaj njerëzve me vlera, ishte e pamundur. Basha ka një urrejtje për njerëzit me integritet.
