Kulla 200 vjeçare e Dervish Aliut në Dukat të Vlorës rrezikon shembjen

Kulla e Dervish Aliut në Dukat të Vlorës, një ndërtesë karakteristike rreth 200 vjeçare, rrezikon shembjen. Banesa e shpallur Monument Kulture po shkatërrohet nga mungesa e mirëmbajtjes.

Kjo pasi drejtoria rajonale e kulturës kombëtare nuk ka buxhet të mjaftueshëm për të kryer restaurimin.

Projekti në fakt është gati: ai i përfshin restaurimin e mureve dhe të çatise me një vlerë prej 5.1 milion lekësh.

Ministrisë së kulturës i janë bërë kërkesa jo vetëm për këtë kullë, por edhe për objekte te tjera të trashëgimisë.

Kulla e Dervish Aliut është ndërtuar në vitin 1847. Ajo shërbente edhe si një fortesë për tu mbrojtur nga pushtuesit. Pozicioni i vendosjes së saj është e tillë që të mund të kontrollojë të gjithë territorin në Dukat.