Skënderbeu nuk shkon dot më shumë se një barazim 1-1 në shtëpi përballë Bylisit. Edhe pse në avantazh në këtë takim, korçarët nuk ruajtën dot epërsinë deri në fund të ndeshjes për të ngjitur shkallët e klasifikimit dhe për t’iu afruar Bylisit në renditje, por çuan dëm gjithçka duke u barazuar nga miqtë katër minuta nga fundi.
Një ndeshje që i pati të gjitha brenda ishte ajo e Korçës, ku nuk munguan rastet për moviloë, penallit të pretenduara dhe të akorduara si dhe tension në tribuna dhe në fushë. Korçarët kanë shansin e artë por goditja e Pusit ndalet nga Vinsente me Hidin e mposhtur. Rast tjetër ideal për Skënderbeun këtë herë është një gabim i prapavijës së Bylisit që i dhuron një top Bregut por i vetëm përballë Hidit gabon duke e çuar mbi tra.
Gjithsesi vetëm dy minuta më vonë në të 69’, Bregu do të shlyente gabimin e tij. Pas një këmbëngulje të gjatë Bregu rrëzohet në zonë pas një kontakti me Peposhin dhe për kryesorin është penallti. Nga pika e bardhe Bruno Dita tregohet i saktë duke çuar ekipin në avantazh.
Skënderbeu mundohet të menaxhojë lojën pas golit por Bylisi është zgjuar dhe në minutën e 86 barazon. Sverio në kthesë godet dhe mposht kolicin duke çuar rezulatin në 1-1. Edhe pas pesë minutave shtesë asgjë nuk ndryshon pavarësisht përpjekjeve të Skënderbeut. Ekipet ndajnë nga një pikë që duket se i bën më shumë punë Bylisit sesa korçarëve.
Në takimet e tjera Kukësi ruajti hapin e Tiranes duke mposhtur Laçin 3 me 1. Edhe Partizani fitoi 2 me 0 kundër Flamurtarit ndërsa Teuta u befasua në fund nga Luftëtari në një barazim 1 me 1 me Durrësin.
