Kukës, burg përjetë vrasësit të dyfishtë

Gjykata e Kukësit dënoi me burgim të përjetshëm Muharrem Bugjishën, i akuzuar nga Prokuroria për vrasjen me armë të vëllezërve Emri dhe Bilbil Batusha, si dhe plagosjen e një tjetri, në 25 korrik të vitit 2015. Nga hetimet rezultoi se shkak i krimit ishte një konflikt mes autorit dhe viktimave për një hapësire tokë krom-mbajtëse në fshatin Kalimash. Ndonëse u largua menjëherë pas krimit, autori u dorëzuar disa kohë pas ngjarjes. Edhe pse pala mbrojtëse pretendoi se Muharrem Bugjisha ka pasur probleme mendore, përsëri ai nuk i shpëtoi burgimit përjetë. ekspertiza mjeko ligjore doli në përfundimin se I pandehuri nuk ka probleme të shëndetit mendor dhe se ai e ka kryer krimin, për të ndarë zonat e kërkimit të kromit në zonën e Kalimashit.