Është arrestuar këtë të enjte Hasan Halilaj, ish-kryetari i Bashkisë së Kukësit, i shpallur në kërkim me akuzën e “shpërdorimit të detyrës” me fondet publike. Burime nga policia, thanë se Halilaj ka shkuar ne Prokurori për t’u vetëdorëzuar, por më pas është ndjerë keq nga zemra dhe është dërguar me urgjencë në Spitalin Rajonal, për të marrë shërbim mjekësor. Pas njoftimit, policia ka shkuar në spital dhe po bën ruajtjen e tij. Disa dite më parë ish-kryetari i Bashkisë së Kukësit u shpall në kërkim se bashku me 3 ish-nëpunës, pasi në bashkëpunim me njëri-tjetrin kishin ndryshuar destinacionin e fondeve. Leket e sigurimeve per punonjësit e Bashkisë, ata ia kishin kaluar për financim klubit të futbollit të Kukësit.
