Për të gjithë ata që urrejnë syzet lentet janë konsideruar si zgjidhja ideale, por gjithmonë duhet të bëhet kujdes pasi atom und të shkaktojnë dëme të mëdha.
Duhet të bëni kujdes dhe asnjëherë të mos bëni gabim dhe të flini gjumë me lente, pasi mund të pësoni infeksion të rëndë. Pothuajse çdo vit, rreth 1 milionë njerëz në ShBA shkojnë me urgjencë në spital për shkak të keratitit.
Fjetja me lentet e kontaktit është e rrezikshme dhe mund të çojë në infeksione, madje edhe në dëmtime të përhershme. Edhe disa minuta gjumë me lente në sy mund të rrisin problemet e syve.
Një rast tregon një burrë që shkoi në spital me sy të skuqur dhe me vizion të paqartë pasi flinte pa i hequr lentet rreth katër herë në javë. Madje ai kishte bërë not pa i hequr. Kjo i shkaktoi keratitit bakterial, të cilin ia doli ta trajtonte.
Në një shembull tjetër tregon një vajzë adoleshente që flinte me lente, të cilat i mori pa rekomandimin e mjekut në një dyqan. Pas vizitës, ajo u diagnostikua me ulçerë në kornenë e syrit.
Ngjarja e tretë është më e rënda pasi përshkruan një burrë që nuk i hoqi lentet për dy javë. Kjo gjë i shkaktoi shpimin e kornesë dhe infeksion bakterial. Për të shpëtuar shikimin, ai duhej të bënte një transplant në sy.
Gjumi me lente është një prej gjërave më të rrezikshme dhe më të zakonshme të raportuara nga adoleshentët dhe të rriturit.
