Prokuroria e Durrësit nisi hetimet per sa i përket 1300 konteniereve me mbetje, nje pjese e konsiderueshme e të cilave, sipas mediave Italiane, nuk kanë përfunduar në landfillin e Maqedonisë, por janë groposur ne Shqipëri.
Një ditë më parë Prokuroria e Durrësit nisi hetimet me akuzën e shpërdorimit të detyrës, por mësohet se dosja do i delegohet Prokurorisë së Krimeve të Rënda pas dyshimeve se fshihet grup i strukturuar kriminal.
Më herët për këtë çështje, Aleanca Kundër Importit të Plehrave kërkoi nga Prokuroria e Përgjithshme verifikimin e të gjithë dokumentacionit dhe shqetësimeve të ngritura në shtypin Italian.
Gazetarët Italianë raportuan se rreth 1300 kontenierë të ngarkuar me 28 mije e 600 tonë mbetje të rrezikshme u futën në portin e Durrësit nga Italia, por që kishin si destinacion final landfillin e Maqedonisë. Pavarësisht kësaj, në median Italiane u tha se nuk ekziston asnjë dokument që tregon se kontenierët me mbetje kaluan kufirin në Qafë-Thanë.