Ku kishte humbur Adelina Berisha?!

Vrullshëm nisi karriera e saj, por këto vitet e fundit më shumë po flitet për jetën e saj private sesa për muzikë. Së fundi Adelina Berisha është bërë e gjallë, por natyrisht për jetën e saj private dhe pamjen.

Këngëtarja ka publikuar disa foto të reja në rrjetet sociale, përmes të cilave ka paralajmëruar projektin e ri muzikor. Në imazhet e postuara, këngëtarja shfaqet si një zeshkane joshëse, ndryshe nga më pare, kur ka qënë në vazhdimësi bionde. “Vjen së shpejti. Projekt i ri,” – shkruan në përshkrimin e njërës prej fotografive.

“Kam përgatitur këngën time më të re në studion e CricketBeats, tekstin e ka shkruar Elinel, kurse këto ditë kam përfunduar edhe xhirimet e klipit me Max Production”,-  ka deklaruar më herët këngëtarja. Deri atëherë do të vazhdohet të flitet për pamjen e Adelinës.