Lista e Partisë Demokratike në Tiranë do të drejtohet nga kryedemokrati Lulzim Basha, ndjekur nga ish-deputetja Jorida Tabaku.
Gazetarja e Vizion Plus, Olta Blaceri, në një lidhje direkte me emisionin “Quo Vadis” tregoi se ish-kryeministri Sali Berisha renditet i pesti në listën e Qarkut të Tiranës.
Sakaq është mbyllur edhe lista e kandidatëve për Qarkun e Durrësit, ku kryesohet nga Edi Paloka; ndërsa, Agron Duka radhitet i dyti.
Partitë politike kanë afat deri në mesnatën e kësaj të hëne për të dorëzuar listat e kandidatëve për deputetë në Komisionin Qendror të Zgjedhjeve.