Partia Socialiste mbledh këtë të mërkurë Kryesinë ku do të diskutojë për emrin e ri që do të zëvendësojë Valdrin Pjetrin si drejtues i Qarkut Shkodër.
Valdrin Pjetri dha dorëheqjen pas akuzave të bëra nga PD në lidhje me çështjen e dekriminalizimit.
Në mbledhjen e Kryesisë, kryeministri Rama krahas emrit që do të zëvendësojë Valdrin Pjetrin pritet që të ngre edhe një grup pune që do të merret me riorganizimin e PS në këtë qytet pas përplasjeve të ndodhura gjatë konstituimit të Këshillit të ri Bashkiak të Shkodrës.
Ndërkohë gjatë mbledhjes pritet që në fokus të jenë dhe shumë tema të tjera që kanë të bëjnë me nivelin organizativ të PS.
