Kryeqyteti mbetet i kuq, Partizani fiton derbin

Partizanit fiton derbin e Kryeqytetit, duke mposhtur me rezultatin minimal 1:0  Tiranën.

Goli vendimtar mban firmën e talentit Esat Mala, i cili në minutën e 21′ i vodhi kohën mbrojtjes kundërshtare dhe me një devijim të lehtë tundi rrjetën.

Të dy tifozeritë dhuruan spektakël në tribuna, ato i kthyen në një arenë feste shkallët e “Selman Stërmasit”.

Demat e Kuq me këtë fitore e çojnë në 14 numrin e derbeve pa humbje, ndërsa me këtë 3 pikësh e shikon veten në vendin e parë të Kategorisë Superiore, në kuotën e 13 pikëve.

Ndërsa nga ana tjetër bardheblutë pësojnë humbjen e dytë në 6-të javët e para, duke koleksionuar vetëm 5 pikë që prej rikthimit në elitën e futbollit shqiptar.