Kryeprokurori Çela pret në zyrë ambasadorin e OSBE-së

Kryeprokurori Olsian Çela ka takuar këtë mesditen e kësaj të hëne ambasadorin e OSBE-së në Shqipëri, Bernd Borchardt.

Në takim u diskutua për rolin e Prokurorisë në fazën zgjedhore apo në procesin e dekriminalizimit,  si dhe mbështetja që OSBE po jep për sistemin e drejtësisë në Shqipëri dhe projektet në të ardhmen.

Po ashtu, biseda u përqëndrua edhe mbi forcimin e kapaciteteve institucionale nëpërmjet rritjes së bashkëpunimit mes prokurorisë dhe policisë gjyqësore.

Ky është edhe një studimi i kryer nga OSBE, i cili do të do të pasohet nga një sërë aktivitetesh të tjera me qëllim zbatimin e masave konkrete.