Kryeministri Edi Rama ka vijuar takimet me deputetë të partive aleate. Në një prej hoteleve pranë selisë së Këshillit të Ministrave, kreu i qeverisë është takuar me kreun e partisë për Drejtësi Integrim dhe Unitet Shpëtim Idrizi dhe deputetin e kësaj force politike Aqif Rakipi. Biseda është përqendruar ekskluzivisht në votimin e reformës në sistemin e drejtësisë në seancën parlamentare të 21 korrikut. Nuk bëhen të ditura detaje të bisedës mes Ramës dhe deputetëve të partisë, pjesë e koalicionit qeverisës, por mësohet se kryeministri ka kërkuar votën për ndryshimet kushtetuese.
