Pas shumë ditësh protestash të dhunshme në malin e zi, Kryeministri Dushko Markoviç i bëri thirrje kreut të kishës ortodokse në Podgoricë të ndalojë menjëherë nxitjen e dhunës së protestuesve ndaj oficerëve të policisë dhe zyrtarëve të qeverisë.
DUSHKO MARKOVIÇ
KRYEMINISTER I MALIT TE ZI
Ky është paralajmërimi i fundit. Mali i Zi nuk do të lejojë të ketë trazira. Mali i Zi është shtëpia e të gjithëve, por unë do të respektoj ligjet malazeze, jo të dikujt tjetër. Mos u shqetësoni për sigurinë tuaj. Shteti është këtu për të mbrojtur sigurinë tuaj dhe sigurinë e familjeve tuaja. Unë u them qytetarëve, kini durim. Mali i Zi është një vend europian i shekullit XX. Këtu nuk do të ketë asnjë konflikt. Nuk është mire për askënd, as për serbët, malazezët, shqiptarët, myslimanët , boshnjakët, kroatët ose ndokënd tjetër.
Menjëherë erdhi dhe reagimi nga klerikët të cilët sqaruan se kisha nuk ishte kundër shtetit, por as shërbëtore e saj.
DEKLARATE E KISHES ORTODOKSE
Kisha nuk është shërbëtor i asnjë shteti, apo i ndonjë politike ose ideologjie. Autoritetet malazeze, me veprimet e tyre të paarsyeshme, kanë zbehur gëzimin e festës për të gjithë besimtarët. Klerikët mbështesin kishën të marrë të gjitha masat ligjore dhe tu drejtohet të gjitha institucioneve përkatëse ndërkombëtare për të mbrojtur emrin, dinjitetin dhe pronën e Kishës sonë të Shenjtë.
Më herët policia malazeze arrestoi 13 persona në Podgoricë, Nikshiq dhe Danilovgrad mbrëmjen e së hënës, mes tyre katër të dyshuar për sulm ndaj një zyrtari. Ndërkohë tetë oficerë policie kanë mbetur të plagosur nga trazirat, njëri prej të cilëve është në gjendje të rëndë.
