Kryeministri britanik Kameron: Nuk kam bere evazion

Pas protestave në Britaninë e Madhe që kërkonin transparencën e kryeministrit Devid Kameron, emri i të cilit përfshihen indirekt në dokumentet e “Panamasë”, ky i fundit ka publikuar faturat e pagesave të taksave. Pas vdekjes së babait Ian Kameron, e ëma i trashëgon Kameronit 200 mijë paund. Në dokumentet e publikuara nga kreu i qeverisë nga viti 2009 deri në 2015, rezulton se ai ka paguar një total prej 400 mijë paund taksa nga të ardhurat e tij 1.1 milion paund. Vetëm në vitin 2014-2015, në këto fatura shihet se Kameron ka paguar 76 mijë paund taksa. Kryeministri Kameron pranon se ndoshta mund të ishte treguar më i kujdesshem për të publikuar që në fillim këto dokumente, para se të merrte detyrën, por shtoi se ai nuk ka fshehur dhe nuk ka kryer evazion fiskal. Ndërkohë në Britani, ministrat druhen se pas Kameron, mund të vijë radha e tyre për transparencë. Publikimi i skandalit të mashtrimit financiar, “Panama Papers” ka nxjerrë në dritë emrat e dhjetëra liderëve të shteteve, mes të cilëve dhe babai i Kameron. Pas këtyre dokumenteve, ne Britani ashtu si ne Islande, nisen një vale protestash.