Kryeministri Edi Rama ka përshëndetur arritjen e marrëveshjes mes Ali Ahmetit dhe Zoran Zaevit për krijimin e qeverisë së re në Maqedoninë e Veriut.
Në një postim në “Twitter”, kreu i qeverisë e ka konsideruar një ditë të shënuar për shqiptarët, pasi marrin një peshë të re në jetën politike të Maqedonisë së Veriut.
“Ditë e shënuar për shqiptarët e Maqedonisë së Veriut,që falë marrëveshjes me fituesin e zgjedhjeve,Zoran Zajev,marrin një peshë të re në jetën politike të vendit fqinj. Urime të gjithëve, veçanërisht Ali Ahmetit, që me urtësinë e lidershipit të tij në vite ka bërë kaq shumë.”
Zoran Zaev qartësoi se për 100 ditët e fundit të qeverisë, Kryeministri do të propozohet nga BDI-ja.
Ndërkohë, edhe kryetari i BDI konfirmoi se për herë të parë në historinë e vendit do të propozohet një shqiptar si kryeministër për 100 ditët e fundit të mandatit.