Kryetarja e LSI, Monika Kryemadhi nuk ka asnjë dyshim në fitoren e partisë së saj më 25 prill.
Përmes një postimi në “Facebook”, pas një takimi që pati me qytetarët në Fier, Kryemadhi deklaroi se më 25 prill PS do të humbasë pushtetin.
“Ndryshimin e 25 Prillit e presin me padurim edhe qytetarët e Topojës së Fierit. Tashmë verdikti qytetar është marrë. Më 25 Prill, uragani i votave për ndryshim, shkul njëherë e mirë Rilindjen nga vendi, për t’i dhënë jetë Shqipërisë së të rinjve, të familjeve të thjeshta dhe njerëzve punëtorë, të cilëve me LSI në qeverisje do t’u garantohet punësim i mirëpaguar, arsimim cilësor, taksa të ulëta dhe shanse të barabarta për një jetë më të mire.”
