Kryetarja e LSI-së Monika Kryemadhi gjatë takimit me strukturat drejtuese të partisë tha se në Unazën e Re po konsumohet një ngjarje e tmerrshme dhe një vjedhje e madhe të parave publike nga ana e qeverisë. Kryemadhi tha se fatura e këtij abuzimi shkon në 48 milion euro. Kryemadhi tha se kjo ngarje do të shënojë fillimin e fundit të Edi Ramës, jo si individ, por i Edi Ramës si një lider i keq që e mbolli Shqipërinë me drogë , që shkatërroi të ardhmen e të rinjve shqiptarë, që shkatërroi bizneset, që mbylli bizneset e shqiptarëve, që shkatërroi arsimin e të rinjve shqiptarë.
“Ngjarja e Unazës së Re është një ngjarje që ju të gjithë e keni ndjekur sot, po bëhet gati një muaj që banorët e Unazës së Re kanë dal në protestë dhe në fakt shikon nga mënyra nga më të ndryshmet, makineri propagande që në një anë thonë për 300 shtëpi nuk do të bllokojmë infrastrukturën dhe në anën tjetër shikon banorë që është radha e dhunimit që u ka ndodhur atyre. Unë dua t’ju them diçka që ju duhet ta shpërndani kudo që jeni, nuk jemi kundër rrugës, nuk jemi kundër zhvillimit, madje përkundrazi e motivojmë dhe e stimulojmë atë, pro ama jemi kundër arrogancës dhe papërgjegjshmërisë së shteti.”
Kryemadhi kërkoi prezencën e të gjithë anëtareve të LRI-së për të qenë në mbështetje të banorëve protestues.
“Ne jemi me ju, ne do t`ju përkrahim ju. Ky është vetëm fillimi i fundit të Edi Ramës. Jo Edi Ramës si individ, por i Edi Ramës si një lider i keq që e mbolli Shqipërinë me drogë , që shkatërroi të ardhmen e të rinjve shqiptarë, që shkatërroi bizneset, që mbylli bizneset e shqiptarëve, që shkatërroi arsimin e të rinjve shqiptarë, që shkatërroi çdo gjë dhe çdo ëndërr të atyre 400 mijë të rinj dhe të rejave që po largohen nga Shqipëria”.
