Kryemadhi takon zyrtaren e Institutit Republikan: Platforma e bashkëpunimit me LSI-në do t’i shërbejë një politike konstruktive
Kryetarja e LSI, Monika Kryemadhi është takuar ditën e sotme me drejtuesen e Përkohshme të Institutit Republikan Amerikan në Shqipëri, Marta Onorato.
Kryemadhi theksoi se e vlerëson për mbështetjen që IRI i jep partive politike në Shqipëri.
“Ishte kënaqësi të takohesha sot me Drejtuesen e Përkohshme të Institutit Republikan Amerikan në Shqipëri Znj. Marta Onorato. Duke e vlerësuar për gjithë mbështjen që IRI i jep partive politike në Shqipëri, ngritëm sëbashku një platformë bashkëpunimi mes LSI dhe Institutit Republikan, që do t’i shërbejë përparimit të misionit tonë, në rritjen dhe fuqizimin e kapaciteteve të rinisë dhe grave në politikëbërje, si dhe në përgatitjen e alternativave drejt një politike konstruktive, që i shërben qytetarëve dhe integrimit evropian të Shqipërisë”, shkruan Kryemadhi.
