Kryetarja e LSI, Monika Kryemadhi nga Gjirokastra ka bërë sërish anëtarëve të partisë së saj që të palosin flamurin e partisë dhe të shpalosin flamurin kombëtare duke iu bashkuar protestës së studentëve.
Studentët sipas Kryemadhit i kanë dhënë një mësim politikës shqiptare me anë të protestave.
“Studentët i kanë dhënë një dimension tjetër jetës politike dhe dimension tjetër i kanë dhënë edhe reagimit qytetar. Ata mbajnë zjarrin e protestës ndezur edhe pse janë me pushime. Ne kemi bërë thirrje që të palosni flamurin e LSI dhe të shpalosin flamurin kombëtar. Protesta ishte një sinjal shumë i mirë, por për hir të vërtetës duhet të bëjë që të na vrasë ndërgjegjja. Studentët i dhanë një mësim politikës shqiptare, pasi thanë se nëse politikanët nuk reagojnë do reagojnë ata. Studentët e Gjirokastrës duhet t’i bashkohen atyre të Tiranës.”.
Gjithashtu në fjalën e saj para strukturave të partisë ajo është shprehur se hapja e negociatave për Shqipërinë ishte një sinjal shumë i keq. Ndër të tjera ajo ka theksuar se 30 qershori do jetë jo vetëm ditë zgjedhjesh lokale, por edhe dhe ditë e zgjedhjeve të përgjithshme.
