Kryetarja e LSI, Monika Kryemadhi u ndal këtë të mërkurë në njësinë nr.5 në Tiranë, ku u takua me gratë e zonës.
Kryemadhi sulmoi ashpër kryeministrin Edi Rama, duke deklaruar se ai nuk mban premtimet e dhëna.
Sipas saj, LSI është partia që mban premtimet dhe për këtë arsye u kërkoi qytetarëve të votojnë për të, shkruan “Vizion Plus”.
“Rama nuk di të mbajë premtimet. Integrimi në BE ka ngecur, ndaj vijojnë të shtohen kushtet. Rama rriti taksat, rriti koston e jetesës. LSI është forca politike që e mban fjalën. Paguajmë faturën më të lartë të ujit në rajon. Duhet të votojmë atë parti që mban fjalën. Policia është në funksion të gjobave. Të rinjtë kanë pasiguri, ndaj kërkojnë largimin.”
