Kryemadhi për vendimin e Maqedonisë: Vlerësoj rolin pozitiv të faktorit shqiptar

Kryetarja e LSI-së Monika Kryemadhi ka reaguar pas votimin të ndryshimeve kushtetuese nga parlamenti maqedonas për ndryshimin e emrit, në bazë të marrëveshjes me Greqinë.

Kryemadhi në profilin e saj në Twitter shkruan se ky është një zhvillim pozitiv, që i hap këtij vendi rrugën për anëtarësimin në NATO dhe BE

“Përshëndes rezultatet e votimit në parlamentin e Maqedonisë fqinje për emrin, sipas Marrëveshjes së Prespës. Ky është një zhvillim pozitiv, që i hap këtij vendi rrugën për anëtarësimin në NATO dhe BE. Kontributi i drejtpërdrejtë për forcimin e paqes, sigurisë dhe të bashkëpunimit në rajon. Përshëndes dhe vlerësoj rolin shumë pozitiv të faktorit shqiptar në këtë zhvillim historik”.