Kryetarja e LSI, Monika Kryemadhi është e bindur në fitoren e opozitës në Qarkun e Gjirokastrës në 25 prill.
Gjatë një takimi në Memaliaj, ajo garantoi se angazhimet e opozitës do të çohen deri në fund nëse qytetarët e besojnë me votë.
“Strategjia që është ndjekur, ka qenë një strategji antikombëtare, antishqiptare, shkatërrimi i identitetit tonë. Sepse një kombi po i shkatërrove origjinën, po i shkatërrove historinë, familjen, themelet e shtëpisë, i ke shkatërruar të gjithë emrin. Prandaj edhe unë jam e bindur që ne sot nuk diskutojmë votën e 25 prillit. Ne sot diskutojmë angazhimet tona pas 25 prillit, sepse nuk e diskutoj fitoren në qarkun e Gjirokastrës të së gjithë opozitës së bashkuar. Por diskutoj më shumë angazhimet tona, që të çojmë deri në fund detyrimet tona ndaj njerëzve, sidomos ndaj të rinjve dhe të rejave dhe aq më shumë grave dhe vajzave, sepse e ndjejmë të domosdoshëm fuqizimin e tyre.”
