Opozita zhvillon këtë të hënë protestën e pestë kombëtare ku kërkon largimin e kryeministrit Rama dhe krijimin e një qeverie tranzitore deri në mbajtjen e zgjedhjeve të parakohshme.
Në ndryshim nga herët e kaluara, në protestën e sotme, opozita ka zgjedhur si skenar marshimin drejt pesë institucioneve që, sipas saj, simboliziojnë krimin.
Por krahas ndryshimit të skenarëve, në protestën e sotme nuk është e e pranishme as drejtuesja e LSI, Monika Kryemadhi.
Mësohet se Kryemadhi ndodhet në SHBA ku po zhvillon një vizitë pune. Në mungesë të Kryemadhit mbështetësit e LSI, po drejtohen nga zëvendëskryetari, Luan Rama e nënkryetari I kësaj force Petrit Vasili.
