Kryetarja e LSI-së Monika Kryemadhi, e ndodhur mes protestuesve, ka firmosur këtë të mërkurë peticionin për rindërtimin e Teatrit Kombëtar.
Bashkë me Kryemadhin, peticionin e ka firmosur edhe nënkryetari i grupit të LSI-së, Petrit Vasili dhe ish-deputetë të tjerë që ishin pjesëmarrës në protestë.
Peticioni, i cili kërkon ndërtimin e godinës siç ishte dhe në të njëjtin vend do të dërgohet edhe në rrethe të tjera të Shqipërisë.
Protesta e organizuar nga Aleanca për Mbrojtjen e Tetarit ka nisur në orën 15:30 dhe nuk dihet kur përfundon.
