Ministri i Shtetit për çështje të Europës në qeverinë gjermane Michael Roth ka kërkuar fillimin e negociatave me Shqipërinë dhe Maqedoninë e Veriut për anëtarësim në BE.
MICHAEL ROTH
MINISTER SHTETI PER EUROPEN
Tani e ka radhën BE të „bëjë detyrën e vet“. Ne i qëndrojmë fjalës dhe duhet të mbajmë premtimin. Sepse për Ballkanin Perëndimor është shumëçka në lojë. Dhe për Bashkimin Evropian bëhet fjalë për interesa jetësore në aspektin e sigurisë, por edhe për besueshmërinë e tij.
Roth thotë se BE ka arritur në përfundim se Tirana dhe Shkupi i kanë kryer detyrat e shtëpisë dhe i kanë plotësuar kushtet e vëna nga Këshilli Europian.
Ministri gjerman për europën Roth kritikon ashpër opozitën në Tiranë.
Ajo, sipas tij po arrin të prodhojë pamje dramatike në vend se në garën e ideve politike të matet me qeverinë në parlament, të cilin po e bojkoton. thekson Roth për gazetën “Frankfurter Allgemeine Zeitung”.
MICHAEL ROTH
MINISTER SHETIT PER EUROPEN
Në Shqipëri gjendja, në pamje të parë, duket më e komplikuar. Kjo lidhet para së gjithash me faktin që opozita ia del gjithnjë të prodhojë pamje dramatike – në vend që të matet në mënyrë konstruktive me qeverinë në kontekstin e një konkurrimi politik idesh në parlament, të cilin aktualisht e ka bojkotuar. Por kjo politikë e papërgjegjshme obstruksioniste nuk duhet të errësojë gjithë sa vendi ka arritur. .
Më pas, Ministri i Jashtëm gjerman flet edhe për reformën në drejtësi, duke thënë se i gjithë procesi po ndiqet nga ekspertë europianë.
MICHAEL ROTH
MINISTER SHETIT PER EUROPEN
Në kuadër të reformës në drejtësi, përmes një procesi deri më tani unik në mbarë botën – shoqëruar nga ekspertë evropianë -është duke u verifikuar integriteti i të gjithë gjykatësve dhe prokurorëve. Rreth dy të tretat e subjekteve të Gjykatës së Lartë dhe asaj Kushtetuese të verifikuar deri më tani nuk e kanë kaluar me sukses këtë test. Ata janë larguar në mënyrë konsekuente nga postet e tyre, të cilat janë duke u plotësuar hap pas hapi.
Kërkesa e Roth për hapjen e negociatave me Shqipërinë dhe Maqedoninë e Veriut ka nxitur reagime nga partia konservatore CDU e kancelares Angela Merkel.
Kryetari i Komisionit për Europën i parlamentit gjerman pjesë e CDU-së së Angla Merkel, Gunther Kirchbaum është shprehur kundër fillimit të menjëhershëm të negociatave.
“Do të vijë tetori kur do të merret vendimi”, tha ai për agjencinë gjermane të lajmeve DPA.
Në një prononcim për median gjermane kryetari i komisionit parlamentar për Europën në Bundestag është shprehur se 28 vendet anëtare do të votojnë në mes të Qershorit, por kjo nuk do të thotë “asgjë”.
