Kroacia e nis ne mënyre perfekte kampionatin europian. Skuadra e trajnerit Cacic mundi 1 me 0 ne takimin e parë të grupit D, Turqinë në një ndeshje te luftuar fort ne fushën e lojës, por me kroatet më mirë në lojë. Cilësia teknike e lojtarëve në mesfushë dhe sulm beri diferencën në këtë takim, kur Kroacia pati shumë raste për shënim por në fakt arriti të realizojë vetëm një herë më anë të Luka Modric. Në fakt kombëtarja e Fatih Terim e nisi ndeshjen me një marsh më shumë, por e beri këtë gjë vetëm për 25-30 minuta, kur regjistroi një rast të mirë me kokë me Tufan në minutën e 29. Me pas yjet kroatë Rakitic, Modric, Brozovic, Perisic dhe Madzukic nisin të marrin frenat e lojës në dorë, derisa vjen edhe goli i yllit të Real Madrid, Luka Modric në minutën e 41, një gol i shënuar nga një distance 25 metra që befasoi portierin turk. Në pjesën ë dytë dëshira e madhe e turqve nuk mjaftoi për të bërë diferencën përball talentit kroat. Rastet për të thelluar avantazhin ishin të shumta. Kapiteni Srna godet traversën dhe ka pastaj një tjetër rast të mirë, ndërsa Perisic godet traversën gjithashtu me koke më pas ka edhe një tjetër rast vetëm për vetem për tu evidentuar edhe një supergoditje e Brozovic që nuk shkoi në rrjete. Kroacia tregon forcën, pret ndeshjen tjetër të grupit këtë të hënë ne Spanjë, Ceki.
