“Të dish të thuash lamtumirë, do të thotë të rritesh”. Ky ka qenë postimi i bërë publik pak ditë më parë në “Instagram”, nga kapiteni i skuadrës së Interit, Mauro Icardi që u kuptua nga tifozët si një shenjë se në ditët e fundit të merkatos ai do të largohej nga zikaltërit pas ofertave që kishte marrë nga disa klube të mëdha në Europë, mes tyre edhe Real Madrid.
Por, sipas “premiumsporthd”, bëhet fjalë për një krizë në çift mes tij dhe bashkëshortes Wanda Nara me të cilën dukej se po kalonin një moment të bukur dashurie. Pas postimit të parë, Icardi nuk e ndjek më në “Instagram”, bashkëshorten e tij, ndërsa kjo e fundit ka ndryshuar emrin e llogarisë saj në rrjetin social nga Wanda Icardi në Wanda Nara. Kaq ka mjaftuar që mediat italiane të flasin për një ndarje të çiftit.
