Ish-kryetari i Komisionit Qendror të Zgjedhjeve, Kristaq Kume kërkoi nga partitë politike që të vendosin në lista njerëz me integritet. Thirrjen ai e bëri gjatë një interviste për ecicionin qendror të lajmeve në “Vizion Plus”, teksa partitë politike kanë afat deri të hënën në mesnatë të dorëzojnë listat.
“Partitë politilke rëndësi ka që të kandidojnë njerëz me integritet, po se kur i regjistrojnë listat e tyre, nëse është brenda kufirit të lejuar, nuk ëshë asnjë problem. Këto janë llogari që duhet të bjënë partitë politike, kurse ne qytetarët jemi përpara një përgjegjësie tjetër që është mundësia për të zgjedhur mes kandidatëve që do të kenë listat e partive politike që garojnë në këtë proces zgjedhor.”
I pyetur nga gazetari Roland Zili për modelin e fletës së votimit, ai tha se duhet zgjedhur ajo që përmban siglën e partisë dhe numrin e kandidatit.
“Fleta e votimit duhe të përmbajë siglën e partisë dhe numrin e kandidatëve, jam për një fletë votimi të thjeshtë, e administrueshme lehtë nga qytetari dhe administratorët. Me mundësira të lehta për t’u bërë gabime. Pavlefshmëria e votës lidhur me mënyrën si voton zgjedhësi nuk opërvbën problem për të konsideruar fletën e votimit të pavlefshme. Mund të votohet vetëm për subjektin ose e kundërta. Mund të votohet për më shumë sesa një kandidat dhe vota është e pavlefshme për kandidatët, por e vlefshme për subjektin. Nuk duhet të jetë e ngarkuar me emra kandidatësh fleta e votimit”, deklaroi Kristaq Kume për “Vizion Plus”.
