Krishtlindjet në Paris duket se nuk kaluan sikurse ishte planifikuar të ndodhte. Mund të duket e pabesueshme, por është e vërtetë: Për herë të parë që nga viti 2803, Katedralja e Notre Dame, një nga ndërtesat fetare më të vizituara në botë, nuk e priti Meshën e Krishtlindjes, për shkak të zjarrit të 15 prillit që pothuajse e shkatërroi atë.
Katedralja u përshi nga një qetësi e pazakonte natën e 25 dhjetorit.
Sikur të mos mjaftonte vetëm kjo, qyteti më i vizituar në Europë, Parisi mbetet i gjunjëzuar për shkak të një greve 20 ditore që ka prekur thuajse të gjithë sektorët në Francë. Më shumë probleme janë raportuar në transport, ndërsa nuk kanë munguar dhe përplasjet mes protestuesve dhe policisë.
Këtë të enjte linjat e metrove janë të mbyllura plotësisht në Paris. Drejtuesit e linjave të trenave dhe metrove janë në grevë, për shkak të pakënaqësisë ndaj politikës së presidentit Emmanuel Macron i cili synon të ndryshojë sistemin e daljes në pension deri në moshën 62 vjeçare.
Por grevës i është bashkuar edhe bota e kulturës. Që nga fillimi I saj deri më sot 45 shfaqe lirike në Opera janë anuluar, duke krijuar një situatë bllokade në Operën e Parisit.
Artistët mbajtën edhe një shfaqje para protestuesve. Drejtori i përgjithshëm i Operas në Paris tha për mediat se “Është e qartë se artistët nuk do të kërcejnë deri në moshën 62 vjeçare”.
Duke qenë një nga sektorët me më shumë të ardhura, duket se Parisi do të ketë një humbje deri në 12 milionë euro me anulimin e shfaqjeve, ose ndryshe 1 të 6-ën e të ardhurave vjetore që sigurohet nga shitja e biletave.
E pavarësisht grevës dhe protestave që vijojnë çdo ditë, presidenti Francez Emmanuel Macron, ka refuzuar kërkesën e sindikatave për të anuluar planin e tij për reformën në pensione.
