Krimi që tronditi Tiranën/ Gruaja ishte arrestuar pasi dhunonte burrin e saj

Dalin në pah detaje të reja nga ngjarja e rëndë që tronditi Tiranën këtë të premte. “Vizion Plus” mëson se viktima është identifikuar si Kudret Saliaj, ndërsa autori i krimit është Mexhit Picari.

Gjithashtu, nga Drejtori i Policisë, Tiranë Rebani Jaupi u konfirmua se në familjen e Saliajt kishte skena dhe akte dhune, me autoren gruan e tij, me të cilën ishte në proces divorci.

“Viktima ka pasur një proces të gjatë divorci me bashkëshorten. Ajo ka qenë e arrestuar për probleme të dhunës në familje. Gjatë kësaj ngjarjeje është plagosur dhe avokati i cili ishrte në tavolinë bashkë me viktimën. Ka dëshmitarë, është e dokumentuar autorësia për hollësi të tjera më pas.”