Kryetari i Partisë Demokratike të Korçës, Andrea Mano denoncon përfshirjen e drejtuesve të institucioneve publike në manipulimin e zgjedhjeve të 25 prillit.
Sipas tij, disa persona, të nxitur nga drejtues të Rilindjes, kane dalë në terren për të deformuar vullnetin e zgjedhësve dhe manipuluar votën e qytetarëve korçarë.
“Jam ketu sot per te denoncuar ne emer te PD rolin manipulues te administrates se Rilindjes ne Korçë. Dua t’iu kujtoj drejtuesve te administrates se Rilindjes, drejtuesve te institucioneve, qe ata nuk jane drejtues te PS, ata nuk jane drejtues te Rilindjes, por drejtuese te institucioneve te shtetit shqiptar. Per kete arsye, ata duhet t’i mbajne duart larg nga zgjedhjet. Ata e kane te ndaluar me ligj dhe eshte e denueshme penalisht nderhyrja ne procesin zgjedhor. SPAK do te veproje mbi cdo person dhe nuk do te kurseje askend, qe perfshihet ne manipulimin e zgjedhjeve. Njerez te vecante, te nxitur mga drejtues te Rilindjes, kane dale ne terren te kerkojne kartat e identitetit, ne kembim te parave apo favoreve te tjera, si legalizimet, shtepi per te pastrehet, kempet, ndihma ekonomike, apo favore te tjera qe deformojne vullnetin e zgjedhesve dhe manipulojne voten e qytetarëve korcare.”
Ai paralajmëron se cilido që pengon dhe ndërhyn në votën e qytetarëve dhe procesin zgjedhor do të përballet me ligjin.
“Ne jemi ketu per te mbrojtur çdo qytetar, i cili duhet ta konsideroje te rendesishem rolin ne zgjedhjet e 25 prillit. Vota e tij eshte ajo qe do te denoje te gjithe manipulatoret e zgjedhjeve, te cilet ashtu si vepruan me Dibren dhe Shijakun, tashme Rilindja duket qe po shtrin tentakulat e saj edhe ne Korce, ku situaten e ka me keq se çdo here tjeter. Dua t’iu kujtoj ketyre individeve, te cilet po perdoren si mercenare nga Rilindja, qe do te jene ata qe do te përgjigjen para ligjit për manipulimin e zgjedhjeve ne qytetin e Korçës. Ne 25 prill qytetarët korcare jane te vendosur te votojne kunder Rilindjes, per ta larguar kete regjim, do te votojne per ndryshimin.”
