Në 12-vjetorin e pavarësisë, krerët e shtetit shqiptar i kanë dërguar mesazhe urimi drejtuesve të Kosovës. Kreu i shtetit, Ilir Meta nëpërmjet një letre urimi për homologun Thaçi, thotë se Kosova ka hyrë në dekadën e dytë si një shtet i pavarur dhe sovran.

 

Sipas tij, koordinimi me partnerët ndërkombëtarë strategjikë do të mundësojë finalizimin me sukses të marrëveshjes me Serbinë. Edhe kryeministri Rama përmes një statusi në “Facebook” uron të gjithë shqiptarët kudo që ndodhen ndërsa përkujton edhe ata që dhanë jetën për këtë ditë.

 

Ndërsa kreu i opozitës, Basha shkruan se këto vite nuk kanë qenë të lehta për Kosovën. Por sot, në opozitë dhe nesër në qeveri, Basha angazhohet se integrimi i përbashkët i të dy vendeve do të jetë misioni më i madh.

Leave a Reply

Your email address will not be published.