Krerët e shtetit shqiptar dënojnë vrasjen e Ivanoviç

Krerët e shtetit dhe politikës ne Tirane kanë dënuar ne unison vrasjen e liderit të serbëve të Kosovës, Oliver Ivanoviç. Presidenti Meta shpreh keqardhjen e thellë dhe bën thirrje për vlerësimin e situatës me qetësi e maturi. Ky akt kriminal sipas tij, nuk duhet të ndikojë në procesin e rëndësishëm të dialogut midis Serbisë dhe Kosovës.

Kryeministri Edi Rama në reagimin e tij shpreh keqardhjen e thellë për tragjedinë e Oliver Ivanovic. “Një akt qëllimkeq ky, që nxit urrejtje e tension. Përpjekjet për dialogun e paqen s’duhen ndalur! Duhen thelluar!”, nënvizon Rama.

Ministrin i jashtëm Bushati ndërkohe tha se vrasja e Ivanovic cenon dialogun, pajtimin dhe stabilitetin në Kosovë.

Ndërsa kryetari i opozitës Basha e konsideroi vrasjen një akt të pastër kriminal që meriton hetim të plotë dhe ndëshkim.