Komisioni Qendror i Zgjedhjeve ka miratuar rezultatet e votimeve të 25 qershorit për qarkun Tiranë. PS ka marrë 18 mandate deputetësh, ndërkohë që PD 11 dhe LSI 5 mandate. Gjatë kësaj mbledhjeje përfaqësuesit ligjorë dhe politikë të PDIU-së kërkuan shtyrjen e vendimit me 48 orë, me qëllim verifikimin e materialeve filmike të numërimit të votave në Tiranë. Ata pretendojnë një mandate për deputet në këtë qark. Por përfaqësuesi i PS-së tha se sipas dokumentacionit, asnjë nga numëruesit dhe vëzhguesit e PDIU-së nuk ka raportuar asnjë shkelje gjatë procesit. Kërkesa e PDIU-së u rrëzua nga kqz. Po ashtu u miratuan edhe rezultatet për qarqet Vlorë, Shkodër, Korçë, Durrës dhe Berat.
