Shefi i diplomacisë greke Nikos Koxias ka thënë me bindje se Marrëveshja nga Prespa pa probleme do të marrë dritë të gjelbër nga deputetët në Parlamentin grek, madje edhe nga disa nga Grekët e Pavarur.
Gjatë një interviste të dhënë për gazetën gjermane Frankfurter Algemajne Cajtung, Koxias deklaroi se marrëveshja me Maqedoninë e Veriut, në çdo rast do të kalojë në Parlament.
“Synojmë drejt një shumice prej 150 vota dhe këtë do ta arrijmë. Gjithsesi se nuk jam profet – njerëz mund të vdesin, mund të ketë tërmete, por nën kushte normale nuk do të ekzistojë absolutisht kurrfarë problemi që t’i fitojmë këto 151 vota. Saktësisht i numërova. Është e saktë se Grekët e Pavarur nuk do të votojnë si parti, por ekzistojnë deputetë nga kjo parti të cilët konsiderojnë se është e mirë marrëveshja. Krahas kësaj ekziston edhe partia Potami, në të cilën nuk konsiderojnë të gjithë deputetët se është e mirë marrëveshja, por në çdo rast disa prej tyre.”
Lidhur me hulumtimin e mendimit publik në Greqi dhe rezultatet sipas të cilave i madh është numri i qytetarëve që janë kundër Marrëveshjes, Koxias e përsërit qëndrimin e tij se sondazhet për MPJ-në greke japin tjetër imazh.
