Kanë qenë disa ditë të vështira për Kourtney Kardashian dhe Travis Barker, të cilët janë në pritje të fëmijës së tyre të parë së bashku (ata të dy kanë tre fëmijë nga marrëdhëniet e mëparshme).
Modelja dhe sipërmarrësja në fakt u shtrua urgjentisht në spital për të shpëtuar fetusin dhe bateristi i Blink-182, në turne në Evropë, nxitoi drejt saj.
“Unë do të jem gjithmonë mirënjohës për mjekët e mi të mrekullueshëm për shpëtimin e foshnjës. Do t’i jem përjetësisht mirënjohës burrit tim që nxitoi pranë meje nga turneu për të qenë me mua në spital dhe për t’u kujdesur për mua pas operacionit si dhe mamaja ime, forca me e madhe, faleminderit, shkroi Kourtney në rrjetet sociale krahas një imazhi të duarve të ndërthurura me bashkeshortin e saj ne spital.
Në kohën e shtrimit të saj në spital, bashkëshorti Travis Barker ishte duke udhëtuar në Evropë me Blink-182, por mori avionin e parë për në Los Anxhelos për të qenë pranë saj dhe për ta mbështetur.
Pikërisht për këtë janë shtyrë koncertet e grupit të planifikuara në Glasgow, Belfast dhe Dublin. “Unë fluturova në shtëpi për një operacion urgjent kërcënues për jetën e djalit tonë dhe jam shumë mirënjohës që shkoi mirë. Dua të them faleminderit për gjithë mbështetjen. Turneu rifillon të premten,” tha bateristi në X.
