Në Qendrën e Numërimit dhe Rezultateve (QNR), po vazhdon procesi i rinumërimit të 1407 vendvotimeve, sipas vendimit të PZAP-së.
Informacionet bëjnë me dije se deri më tani janë rinumëruar 840 vendvotime apo rreth 60% e numrit total që PZAP e ka vënë në rinumërim.
Zëdhënësi i KQZ-së, Valmir Elezi, në një dalje për mediat kosovare është shprehur se vetëm gjatë ditës së djeshme janë rinumëruar 68 vendvotime.
“Procesi i rinumërimit sipas vendimit të PZAP-it po vazhdon dhe vetëm gjatë ditës së martë janë rinumëruar 68 vendvotimë. Në përgjithësi, deri më tani në ditën e 7 janë rinumëruar 840 vendvotime apo rreth 60%”.
Ka kaluar më shumë se një muaj nga zgjedhjet e 6 tetorit në Kosovë dhe preitet që rinumërimi i këtyre vendvotimeve ka filluar javën e kaluar, të përfundojë të hënën e ardhshme.
