Kosovë, Vetëvendosje rikthehet në kuvend

Lëvizja Vetëvendosje rikthehet në kuvend ku do të vazhdojë aksionin opozitar. Këndimi i ri është njoftuar nga kryetari Visar Ymeri dhe kreu i grupit parlamentar Konjufca në një konferencë për mediat. Ata thanë se ky është vendimi që ka marrë kryesia e partisë, e cila gjykoi se mosprania e opozitës në parlament ka patur efekte negative. Ndërkohë krerët e Vetëvendosjes kanë thënë se do të vijojnë të kundërshtojnë dy marrëveshjet për kufirin me Malin e Zi dhe atë për bashkësinë e komunave serbe, duke përdorur të gjitha mjetet demokratike. Ata lanë të hapur dhe mundësinë e bashkëpunimit me dy partitë e tjera në opozitë, AAK-në dhe Nismën, që prej pak kohësh kanë moderuar aksionin e tyre opozitar.