Disa rrugë të Kosovës u bllokuan përkohësisht mëngjesin e kësaj të mërkure në shenje proteste, kundër vizitave të zyrtarëve serbë në prag të zgjedhjeve presidenciale të së dielës. Por pasi morën informacione se kryeministri serb Vuçiç nuk do të udhëtojë drejt Kosovës, ata u larguan. Protestuesit kundërshtuan mbajtjen e fushatës së partive serbe në Kosovë.
Ndaj bllokimit të rrugëve reagoi edhe presidenti Thaçi, që i cilësoi këto veprime si bllokim i rrugëve të Kosovës në botë. Serbët e Kosovës planifikojnë të votojnë në 2 prill, por ende nuk është e qartë se si do të mbahen këto votime. Në të kaluarën, misioni i OSBE ka hapur qendra votimi për ta mundësuar këtë. Zëdhënësja e Komisionit Europian, Maja Koçijançic, kërkoi që autoritetet ne Kosovë të lejojnë tubimet për zgjedhjet presidenciale serbe.
