Ka përfunduar procesi i numërimit të votave të ardhura me postë në zgjedhjet parlamentare të 6 tetorit.
Lëvizja Vetëvendosje në bazë të këtyre rezultateve ka fituar numrin më të madh të votave, ose mbi dyfishin e votave, krahasuar me të gjitha paritë e tjera, me gjithsej 7,030 vota. Lidhja Demokratike e Kosovës ka dalë e dyta me vetëm 19 më shumë se Partia Demokratike e Kosovës në vendin e tretë.
Renditja e subjekteve dhe koalicioneve kryesore politike me numrin e votave të fituara nga diaspora është kjo:
Lëvizja Vetëvendosje (LVV) – 7,030 vota
Lidhja Demokratike e Kosovës (LDK) – 2,158
Partia Demokratike e Kosovës (PDK) – 2,139,
Koalicioni NISMA-AKR-PD – 916
Koalicioni AAK-PSD – 555 vota.
Ndërkohë pjesa tjetër e votave u takon partive të komuniteteve jo shumicë. Kujtojmë se gjithsej numri i votave nga diaspora është 13 mijë e 500.
