Hashim Thaçi, Presidenti i ri i Kosovës

Hashim Thaçi është presidenti i ri i Kosovës. Kandidati i PDK-së është votuar me shumice të thjeshtë në raundin e tretë të votimit, ku ka marrë votat e 71 deputeteve nga 61 që nevojiten. Dy raundet e para të votimit, ku kërkohej shumice e cilësuar per Presidentin e vendit dështuan. Thaçi arriti te merrte 50 vota në te parin dhe 64 në të dytin. Kreu i ri i shtetit tha se pas betimit me dt 7 prill, ai do ti shërbejë me përgjegjësi vendit. Zgjedhja e Thaçit ne krye te shtetit është pritur me festime nga anëtare dhe mbështetës te Partisë Demokratike te Kosovës. Ndërkohe i menjëhershëm ka qene reagimi i liderëve opozitare, të cilit thane se kreu i ri i shtetit është zgjedhur pas një trysnie te madhe çka vërteton se Kosova drejtohet nga një regjim autoritar. Ata bene te ditur se do te vijojnë aksionin opozitar. Me herët jashtë parlamentit, qindra mbështetës të opozitës u përleshën me policinë. Ata goditen uniformat blu me bomba molotov, ndërsa këta të fundit u janë përgjigjur me uje me presion për të shpërndarë turmat. Policia arrestoi dhjetëra tubues, ndërsa ka larguar dhe tendat e demonstruesve. Votimi në sallën e kuvendit nisi pas përjashtimit të paktën 11 deputeteve të opozitës mes të cilëve dhe krerët e lëvizjes vetëvendosje Albin Kurti e Visar Ymeri. Ky i fundit është larguar me dhunë nga forcat e sigurisë në sallë. Përjashtimi i deputetëve nga ana e kryesisë së Kuvendit erdhi pasi seanca u ndërpre disa herë pas hedhjes së gazit lotsjellës. Ndërsa deputetja Shqipe Pantina është arrestuar pasi është neutralizuar në tentative për hedhjen e gazit për herë të tretë në kuvendin e Kosovës.