Kosova shënon 31 pacientë të shëruar nga COVID-19 këtë të shtunë

Kosova ka konfirmuar 8 raste të reja me koronavirus gjatë 24 orëve të fundit, nga 177 teste të kryera. Ndërsa numri i të infektuarve me Covid-19 ka shkuar në total në 870.

Rastet pozitive janë raste kontakti nga: komuna e Prishtinës, Mitrovicës, Llazarevë- Obiliq, Fushë Kosovë dhe Gjilan.

Instituti Kombëtar i Shëndetësisë Publike të Kosovës raportoi se këtë të shtunë janë shëruar 31 pacientë, ndërsa numri i përgjithshëm i pacientëve të rikuperuar deri më sot është gjithsej 653 raste.