Deputetët e Kosovës kanë miratuar një rezolutë për heqjen e roamingut me Shqipërinë, në kuadër të integrimit ekonomik mes dy vendeve. Në prezantimin e rezolutës të propozuar nga deputeti Dardan Molliqaj, ky i fundit tha se qytetarët e Kosovës pranojnë rreth 1 milion thirrje nga Shqipëria në ditë, dhe anasjelltas.
Një komision i posaçëm do të nisë negociatat për eliminimin total të tarifave të roamingut mes dy vendeve. Rezoluta është përkrahur nga të gjitha grupet parlamentare.
Duke e vlerësuar të domosdoshme heqjen e roamingut, ata theksojnë se presin të njëjtin vendim edhe nga pala shqiptare.