Kosova ka regjistruar gjatë 24 orëve të fundit tre viktima dhe 47 raste të reja pozitive me koronavirus, pas testimit të 525 mostrave.
Në total, që prej fillimit të pandemisë, kanë ndërruar jetë 622 pacientë dhe 13,278 të shëruar. Numri i rasteve aktive me koronavirus në Kosovë është 1,572.
Në klinikat e Qendrës Klinike Universitare dhe në spitalet rajonale, po trajtohen 182 pacientë, 100 prej të cilëve janë të konfirmuar me COVID-19. Ndërkaq, 124 pacientë po trajtohen me oksigjenoterapi.
